 | | |
Sanaparsia rakhauvesta ja pahhuuvesta
Kaikki mitä tet haluatta ja vielä enemän, minun sielun! Johan se on helppo – ja vaikea siltikki. Siinä se makkaa, mutta millä sen saapi näköselle? Ja se se on konsti! Kukas on niin viekas?
Joka pölkää ei näe, sanothaan. Piian se sielukin tullee paremin näköselle jos on pölöstä vapa?
Kaks tuliverestä sanaparsikirjaa on tulheet trykkeristä. Hyvät ja mukavat kirjat sekä porstuasuomalaisile, suomensuomalaisile, vonnuile, ruottinsuomalaisile, suomalaisile, ummikoile, ruottalaisile, suomenruottalaisile, hurrile, saamelaisile, lantalaisile, lappalaisile, kväänile, kainulaisile, tornionlaaksolaisile ja meänkielisilleki.
Valon löytää pimeästä meinaa Lusiferi, joka juuri merkittee ‘valonkantaja’. Jos haluaa tietää rakhauvesta met uskoma ette on hyvä tietää kuinka tuo Lusiferi vaikuttaa. Lusiferhän on Jumalan rakastetuin enkeli joka putosi taifhaalta pitkäsen leimana ja loi pimeän. Lusiferista kertoo kans kansan omat sanaparret.
Met olema kerähneet kansan ylheisiä ja yhteiskunnan korkeasti arvostettuja sanaparsia. Ja sen takia kerähneet sanaparsia ja ajatuksia rakhauesta ja pahhuuesta monesta eri lähtheestä. Tämä on kansan omat ajatukset rakhauesta ja pahhuuvesta. Pääosa on sanaparret mikkä on suulisesti välitetty satojen vuositten aikona olletikki Suomessa ja Ruottissa. Sanaparret on muistot niiltä jokka kuljit tätä mailmalista tietä satoja vuosia sitten ja joitten jäljet vieläkin näkyvät. Jäljet on kansan oma ymmärys valosta ja kalvheesta.
|
| |
| |
|  |  |
|
